Brauzerlər
Gündəlik həyatımızı internetsiz təsəvvür etmək çox çətindir. Bu sözü biz 15 il əvvəl desək ətrafdakı insanlara gülməli gələ bilərdi. Elmi texniki tərqqinin inkişaf etdiyi müasir bir zamanda yaşadığımzı nəzərə alsaq internetin bizə çox vacib olduğunu xüsusilə qeyd etməliyik. İnternetə daxil olan zaman ilk olaraq brauzer vasitəsilə müəyyən axtarışlar edirik. Sual yarana bilərki bəs brauzer nədir?
Brauzer – istifadəçilərin veb-serverlər (Azərbaycan dilində veb-səyyah adlanır) üzərindəki HTML səhifələrini açmasına imkan verən proqram təminatıdır. Hal-hazırda ən çox istifadə edilən brauzerlərə “Google Chrome”, “Mozilla Firefox”, “Microsoft İnternet Explorer”, “Microsoft Edge”, “Opera”, “Safari” və s. misal göstərmək olar.
“Google Chrome” adı hər birimizə çox gözəl məlumdur. Gündəlik həyatımızda hər hansısa bir axtarış edən zaman üz tutduğumuz ən əsas brauzerlərdən ilkidir. Hal-hazırda “Google Chrome” ən məşhur mobil və masaüstü brauzerdir və bazar payı 69% təşkil edir.
Siyahıda “Mozilla Firefox” brauzeri ikinci yeri tutur. Bazar payına nəzər salsaq bu göstərici 9,53% təşkil edir.
Üçüncü yerdə yer alan axtarış brauzeri, apple istifadəçilərinin ən çox istifadə etdiyi “Safari”-dir və 8,64% bazar payına malikdir.
Dördüncü yerdə “Microsoft İnternet Explorer” brauzeri gəlir. Bir zamanların məşhur brauzeri olan “Microsoft İnternet Explorer” -in bazar payı 4,71%-dir
Beşinci yerdə “Microsoft Edge” brauzeri qərarlaşıbdır. Bu brauzer 3,7% bazar payına malikdir.
Ən çox istifadə edilən brauzerlər arasında altıncı və ya sonuncu yeri 2,49%-lə Opera brauzeri tutur.
Azda olsa brauzerlərin bazar payı haqqında məlumat əldə etdik. Gələcəkdə bu brauzerlərin hansının ləğv ediləcəyi və ya qalacağı barədə o qədərdə çox məlumata sahib deyilik. Son olaraq qeyd edə bilərik ki, bu brauzerlərin hələki bizləri qane etməsi fikrimizcə yetərli səbəbdir
